सचिन कदम

रायगड : माजी मुख्यमंत्री उद्धव ठाकरे यांच्या अवमान प्रकरणी केंद्रीय मंत्री नारायण राणे यांना दोषमुक्त केलं आहे. अलिबाग मुख्य न्यायदंडाधिकारी यांनी हा निर्णय दिला आहे. पुरेसा पुरावा नसल्याने दोषमुक्त करावे यासाठी वकील अॅड. सतीश मानेशिंदे यांनी अर्ज केला होता.

उद्धव ठाकरे यांच्याबद्दल अवमानकारक शब्द वापरल्या प्रकरणी दाखल गुन्ह्यातून केंद्रीय मंत्री नारायण राणे यांना दोषमुक्त करण्यात आले आहे. पुरेसा पुरावा नसल्याने दोषमुक्त करण्याबाबत अलिबाग मुख्य न्यायदंडाधिकारी यांनी हा निर्णय दिला आहे. (Latest Marathi News)

17 जानेवारी 2022 रोजी केंद्रीय मंत्री नारायण राणे यांनी आपल्या कोकण दौऱ्यादरम्यान महाडमध्ये पत्रकार परीषदेत तत्कालिन मुख्यमंत्री उद्धव ठाकरे याच्या बद्दल अवानकारक शब्द उच्चारले होते. या प्रकरणी शिवसैनिक सिध्देश पाटेकर यांनी राणे यांच्या विरोधात गुन्हा दाखल केला होता.

भारतीय दंड सहिता 153A1/B, 153A1C,189, 504, 505/2, 506 प्रमाणे हा गुन्हा दाखल करण्यात आला होता. या प्रकरणी पुरेशे पुरावे उपलब्ध नसल्याने या प्रकरणातुन नारायण राणे यांना न्यायमुर्ती श्री उगले यांनी दोषमुक्त केले आहे.