Ulhasnagar News Saam tv
महाराष्ट्र

Ulhasnagar : खिडकीत बसलेली दोन मुले दुसऱ्या मजल्यावरून कोसळली; ग्रील तुटल्याने घडली घटना

Ulhasnagar News : उल्हासनगरच्या कॅम्प ५ मधील गांधी रोडवर परिसरात सदरची घटना घडली आहे. गांधी रोड परिसरात हरे कृष्णा इमारत असून त्यातील दुसऱ्या मजल्यावर फ्लॅटमधून हे दोन्ही मुले खाली कोसळली आहेत

अजय दुधाणे

उल्हासनगर : घरात खेळत असलेली दोन चिमुकले घरातील खिडकीत बसून बाहेर गंमत पाहत होती. खिडकीत खेळत असताना बाहेरून लावलेली लोखंडी ग्रील अचानक तुटल्याने तोल जाऊन दोन्ही मुले दुसऱ्या मजल्यावरून खाली कोसळली. उल्हासनगरमध्ये घडलेल्या या घटनेत दोन्ही मुले जखमी झाले असून त्यांच्यावर रुग्णालयात उपचार सुरू आहेत. दोघांची प्रकृती स्थिर असल्याचे सांगण्यात येत आहे. 

उल्हासनगरच्या कॅम्प ५ मधील गांधी रोडवर परिसरात सदरची घटना घडली आहे. गांधी रोड परिसरात हरे कृष्णा इमारत असून त्यातील दुसऱ्या मजल्यावर फ्लॅटमधून हे दोन्ही मुले खाली कोसळली आहेत. फ्लॅटमध्ये खेळत असताना दोन्ही चिमुकले खिडकीत बसून खेळत होते. खिडकीच्या ग्रीलला धरून बसले असताना अचानक लोखंडी ग्रील तुटली. यामुळे दोघांचाही तोल गेल्याने ते खाली जमिनीवर कोसळले. 

दोघे रुग्णालयात दाखल 

जमिनीवर पडल्याने दोघेजण जखमी झाले आहेत. यात एक सात वर्षांचा मुलगा आणि चार वर्षांची मुलगी आहे. त्यापैकी सात वर्षीय मुलाचे दात पडले असून डोक्यालाही इजा झाली आहे. तर मुलीला किरकोळ इजा झाली आहे. दोघांना लागलीच जवळच्या रुग्णालयात उपचारासाठी नेण्यात आले असून या दोघांवरही खासगी रुग्णालयात उपचार सुरू आहेत.

सुदैवाने जीव वाचला 

घटना घडल्यानंतर परिसरातील नागरिकांनी धाव घेत मुलांना उचलले. तसेच मुलांचे आई- वडिलांनी त्यांना रुग्णालयात नेले. सुदैवाने बिल्डिंगच्या कंपाउंडला असलेल्या पत्र्यांवर ही ग्रील कोसळल्याने मुलांचा जीव वाचला आहे. तसेच दुसऱ्या मजल्यावरून अस्लेल्यूए फ्लॅटची जास्त उंची नसल्याने मुलांचा जीव वाचला आहे. 

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Bhiwandi Accident: देवदर्शनावरून घरी परतताना काळाचा घाला; मुंबई-नाशिक महामार्गावर दुचाकीचा अपघात, बापलेकीचा मृत्यू

Leopard Attack: मैत्रीला जागला...! बिबट्याचा कुत्र्यावर हल्ला, श्वानाच्या निडर मैत्रीसमोर बिबट्याची माघार Video Viral

IPS Anjana Krishna: आधी वाद नंतर अजितदादांची स्पष्टीकरणाची पोस्ट; उपमुख्यमंत्र्यांनाच पॉवर दाखवणारी अंजली कृष्णा नेमक्या कोण?

Vanraj Andekar Case: तोच महिना अन् आंदेकर टोळीने नाना पेठेतच आयुषचा गेम केला, पुण्यात रक्तरंजित थरार

HIV: एचआयव्हीच्या रुग्णांनी कोणत्या गोष्टी केल्या पाहिजेत?

SCROLL FOR NEXT