सातारा : खासदार उदयनराजे भोसले Udayanraje Bhosale यांनी कोरोना विषयी आज (बुधवार) पुन्हा एकदा एक अजब वक्तव्य केले आहे. खोकला आला तरी कोरोनाची टेस्ट पॉझिटिव्ह येत असल्याचे त्यांनी आज माध्यमांशी बाेलताना नमूद केले.

खासदार उदयनराजे भाेसले यांनी आज सातारा पालिकेच्यावतीने राबविण्यात येणा-या साता-यातील विविध विकासकामांचे भुमीपूजन केले. त्यावेळी त्यांच्या समवेत पालिकेचे उपाध्यक्ष मनाेज शेंडे यांच्यासह नगरसेवक, नगरसेविका उपस्थित हाेत्या. यावेळी उदयनराजेंनी आमदार शिवेंद्रसिंहराजे भाेसले यांच्याबाबत विचारलेल्या प्रश्नास बगल दिली.

दरम्यान काेराेनाबाबत coronavirus उदयनराजे म्हणाले आपल्याला कोराना होता का नाही हे माहित नाही. ताप असताना सुद्धा मी गार पाणी प्यायचो. त्यामुळे माझा खोकला वाढला आणि माझी कोरोनाची टेस्ट पॉझिटिव्ह आली.

कोणी काळजी करू नका. मला कोरोना झाला तेव्हा किती लोकांनी देव पाण्यात ठेवले मला माहित नाही पण आज मी तुमच्यासमोर उभा आहे असा मिश्किल टिप्पणी देखील उदयनराजेंनी यावेळी केली. दरम्यान मंगळवारी देखील उदयनराजेंनी काेराेना हा जन्माच्या आधी पासून आणि ताे राहणारच असे म्हटलं हाेते.

edited by : siddharth latkar