- नवनीत तापडिया

Chhatrapati Sambhaji Nagar News : बकऱ्या चारण्यासाठी गेलेल्या दोन तरुण मुलांचा तलावात बुडून मृत्यू झाल्याची घटना छत्रपती संभाजीनगर (Chhatrapati Sambhaji Nagar) जिल्ह्यात घडली आहे. पाेलिसांकडून मिळालेल्या माहितीनूसार ही वैजापूर तालुक्यात घडली आहे. या घटनेमुळे डवाळा परिसरात शोककळा पसरली आहे. (Maharashtra News)

शाहीद इरफान सय्यद (वय 18) व आयुष संतोष पडवळ (वय 13) असे या घटनेतील मयत तरुणांचे नाव आहे. आयुष हा समृध्दी महामार्गालगत असलेल्या एका तलावालगत बकऱ्या चरवत असताना त्याची एक बकरी पाण्यात पडली. तिला काढण्यासाठी तो गेला असता त्याचा पाय घसरून तो पाण्यात पडला. त्याला पोहता येत नसल्याने तो बुडू (drowned) लागला.

ही बाब शाहीदने बघितल्यावर रोजी त्याला वाचवण्यासाठी गेला मात्र अंदाज न आल्याने तोही पाण्यात बुडायला लागला परिसरातील नागरिकांना ही बाब लक्षात आल्यावर त्यांनी दोघांना बाहेर काढण्याचा प्रयत्न केला नागरिकांनी शाहीदला बाहेर काढले. तातडीने त्याला वैजापूर येथील रुग्णालयात दाखल केले मात्र डॉक्टरांनी त्याला तपासून मृत घोषित केले.

आयुष हा पाण्यात खोलवर बुडल्याने त्याला नागरिकांना काढता आले नाही. घटनेची माहिती मिळताच वैजापूर पोलीस ठाण्याचे पथक घटनास्थळी दाखल झाले. त्यानंतर आयुषचा मृतदेह बाहेर काढण्यात आला.

या प्रकरणी वैजापूर पोलिसांत अकस्मात मृत्यूची नोंद करण्यात आली. या प्रकरणी अधिक तपास वैजापूर पोलीस करीत आहे. एकाच दिवशी गावातील दोन तरुणांना सोबत काळाने घाव घातल्याने गावात शोककळा पसरली आहे.

Edited By : Siddharth Latkar