फैय्याज शेख

Shahapur News:

शहापुरातील खोर गावातील धबधब्यात बुडून दोन तरुणांचा मृत्यू झाल्याची धक्कादायक घटना घडली आहे. शहापूर तालुक्यातील पिवळी खोर गावाच्या हद्दीतील जंगलात ही घटना घटना घडली. या घटनेनंतर वाशिंद पोलिस घटनास्थळी पोहोचले आहेत. (Latest Marathi News)

मिळालेल्या माहितीनुसार, शहापुरातील खोर गावाच्या धबधब्यात बुडून दोघांचा मृत्यू झाल्याची घटना घडली आहे. स्थानिक ग्रामस्थांच्या मदतीने दोघांचे मृतदेह बाहेर काढण्यात आले आहे. या घटनेनंतर घटनास्थळी वाशिंद पोलिस व जीवरक्षक टीमचे सदस्य दाखल आहे. या मृतांची ओळख पटली असून पोलिस पुढील तपास करत आहेत.

मृतांची ओळख पटली

खोर गावाच्या धबधब्यात बुडून दोघांचा मृत्यू झाला आहे. यापैकी एक जण मुरबाड तालुक्यातील असून दुसरा आंध्र प्रदेश येथील असल्याचे समजते आहे. शहापूर तालुक्यातील पिवळी खोर गावाच्या हद्दीतील जंगलात काही तरूण धबधब्यावर गेले होते.

मौज-मजा करत असताना दोघांचा तोल गेल्याने धबधब्यात बुडून मृत्यू झाल्याची दुर्दैवी घटना घडली. संध्याकाळी स्थानिक ग्रामस्थांच्या मदतीने दोघांचे मृतदेह हे बाहेर काढण्यात आले आहेत.

धनंजय गायकवाड हा मुरबाड तालुक्यात राहाणारा आहे तर कार्तिक रेड्डी हा आंध्रप्रदेश येथील आहे. घटनास्थळी वाशिंद पोलीस ठाण्याचे कर्मचारी व जीवरक्षक टीमचे सदस्य पोहोचले आहेत. या दोघांचे मृतदेह शहापूर येथील रूग्णालयात आणले जात आहे.