- शुभम देशमुख

Gondia News :

गोंदिया जिल्ह्यातील नवेगावबांध-नागझिरा व्याघ्र प्रकल्पात पुन्हा तीन वाघ आणणार असल्याने या व्याघ्र प्रकल्पातील वाघांची संख्या आता १९ पर्यंत पोहोचणार आहे. चंद्रपूर जिल्ह्यातील ताडोबा व्याघ्र प्रकल्पातील तीन वाघ या प्रकल्पात पुढील महिन्यात सोडण्यात येणार आहेत. (Maharashtra News)

गोंदिया जिल्ह्यातील नवेगावबांध - नागझिरा व्याघ्र प्रकल्पात २० मे २०२३ रोजी गोंदिया जिल्ह्याचे तत्कालीन पालकमंत्री सुधीर मुनगंटीवार यांच्या उपस्थितीत दोन वाघिणींना सोडण्यात आले. या व्याघ्र प्रकल्पात टप्प्याटप्याने पाच वाघ आणण्याची योजना आहे. त्यापैकी पहिल्या टप्यात दोन वाघिणी सोडण्यात आल्या आहेत.

आता दुसऱ्या टप्प्याची प्रक्रियाही सुरू झाली आहे. दुसऱ्या टप्यात या व्याघ्र प्रकल्पात सर्वप्रथम तीन वाघ सोडण्यात येणार असल्याची माहिती विभागाकडून देण्यात आली आहे. त्यासाठीची प्रक्रिया सुरू झाली आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

पुढील महिन्यात चंद्रपूर जिल्ह्यातील ताडोबा व्याघ्र प्रकल्पातील तीन वाघ या प्रकल्पात सोडण्यात येणार आहेत. त्यासाठी नवेगावबांध- नागझिरा व्याघ्र प्रकल्पाची एक चमू नुकतीच ताडोबा येथे जाऊन आली आहे अशी माहिती विभागाने दिली.

Edited By : Siddharth Latkar