Navratra : लातुर (latur) जहिराबाद महार्गावरील निलंगा तालुक्यातील औराद शहाजानी येथील तेरणा नदीच्या पुलावर दोन दुचाकींची धडक झाली. या अपघातात (accident) दोन जण ठार झाले आहेत. तसेच दोन जण जखमी झाले आहेत. (Breaking Marathi News)

लातुर जहिराबाद महार्गावरील निलंगा तालुक्यातील औराद शहाजानी येथील तेरणा नदीच्या पुलावर रविवारी सांयकाळी सहाच्या दरम्यान दाेन दुचाकींची जोरदार धडक झाली. या अपघातावेळेस दोन्ही दुचाकी चालक आणि अन्य दाेघे दुरवर फेकले गेले. (Tajya Batmya)

या अपघातात दाेघे जखमी झाले. तर दाेघांचा जागेवरच मृत्यू झाला. या अपघातामधील जखमींना औराद पोलिसांनी हलगरा येथील प्राथमिक आरोग्य केंद्रात दाखल केले आहे. त्यांच्यावर उपचार सुरू आहेत.

या अपघातात सूर्यकांत हाणमंत खांडेकर (वय ६५) व अशोक गुणवंतराव कोळेकर पाटील (वय ५२) यांचा जागीच मृत्यू झाला आहे. हे दोघे लातुरहुन आपल्या गावाकडे केसरजवळगा येथे जात होते. तर सोमपुर (ता. भालकी) येथील सतीश तानाजी विरादार (वय २९) व मुकेश छत्रुगन बिरादार हे दोघे मोटार सायकलने तुळजापूर देवी दर्शनासाठी जात होते. हे दोघे या अपघातात जखमी झाले आहेत. त्यांच्यावर उपचार सुरू आहेत.

Edited By : Siddharth Latkar