Sangli News : सांगली जिल्ह्यातील मिरज येथे 1 लाख 60 हजार रूपयांच्या व्याजा पोटी खाजगी सावकाराने 10 लाख रुपये व्याज घेतले. तरी देखील आणखी सहा लाख रुपयांची मागणी करून मारहाण केल्या प्रकरणी खाजगी सावकार बंधुंवर पाेलिसांनी गुन्हा दाखल केला आहे. (Maharashtra News)

या प्रकरणाबाबत पाेलिसांकडून मिळालेली माहिती अशी - मिरज (miraj) येथे इम्रान लांडगे यांनी खाजगी सावकार बंधूंकडून एक लाख साठ हजार रुपये कर्ज घेतले. त्या बदल्यात 10 लाख 51 हजार रुपये असे 20 टक्के दराने व्याज देऊन ही त्यांनी 6 लाख रुपयांची मागणी केली. पैसे देत नसल्याने खाजगी सावकारांनी इम्रान या मारहाण केल्याचे त्याने तक्रारीत नमूद केले आहे.

या प्रकरणी महात्मा गांधी पोलीस ठाण्यात मलिक मेहबूब शेख (वय 33) आणि चांद मेहबूब शेख (वय 41, राहणार दोघे निपाणीकर कॉलनी, मिरज) यांच्यावर खाजगी सावकारी प्रतिबंधक कायद्यानुसार पाेलिसांनी गुन्हा दाखल केला. पोलीस उपनिरीक्षक राजू अन्नछत्रे अधिक तपास करीत आहेत.

Edited By : Siddharth Latkar