- विनायक वंजारे

सिंधुदुर्ग : संतोष परब (santosh parab) यांच्यावरील हल्ल्यातील आणखी दाेन संशयित आरोपींना कणकवली (kankavali) पोलिसांनी (police) अटक केली आहे. ज्ञानेश्वर उर्फ माऊली दिगंबर देवनुरे आणि धीरज व्यंकटेश जाधव अशी अटक केलेल्यांची नावे आहेत. (santosh parab case latest marathi news)

हे दाेन्ही संशयित आराेपी पुण्याचे (pune) रहिवासी आहेत. संतोष परब हल्लाप्रकरणी भाजप आमदार नितेश राणे (nitesh rane) यांच्यासह एकूण ११ संशयितांवर गुन्हा दाखल आहे. त्यापैकी काहींनी सर्वाेच्च न्यायालयात धाव घेत जामीन अर्ज दाखल केले हाेते.

काही संशयित आराेपींनी मुंबई उच्च न्यायालयात तसेच जिल्हा व सत्र न्यायालयात जामीनासाठी अर्ज करुन ताे मिळविला हाेता. दरम्यान गुरुवारी अटक केलेल्या पुण्यातील दोन्ही संशयित आरोपींना आज (शुक्रवार) न्यायालयात हजर केले जाणार आहे अशी माहिती पाेलिसांच्या सूत्रांनी दिली.

Edited By : Siddharth Latkar