अभिजित देशमुख 
टिटवाळा : टिटवाळा मंदिरॅट सकाळी दर्शन घेणाऱ्या भाविकांची गर्दी जमत असतानांच धक्कादायक घटना समोर आली. (Titwala) मंदिर परिसरातील तलावात सकाळच्या सुमारास एका इसमाचा मृतदेह तरंगताना आढळून आल्याने एकच खळबळ उडाली आहे. याबाबत पोलीस तपास करत आहेत. (Breaking Marathi News)

टिटवाळा मंदिर परिसरातील तलावात आढळून आलेल्या मृतदेहाची ओळख पटली आहे. गणेश दलाल असे मयत इसमाचे नाव आहे. टिटवाळा परिसरात राहणारे गणेश दलाल यांचा गणपती मंदिर (Ganpati temple) परिसरात हार, नारळ विक्रीचा व्यवसाय करून उदरनिर्वाह करत होते. गणेश यांनी या तलावात उडी मारून आत्महत्या केली असल्याची प्राथमिक माहिती समोर आली आहे. मात्र त्यांनी हे टोकाचे पाऊल का उचललेले याचे कारण अद्याप समजू शकलेले नाही.  

पोलिसांकडून तपस सुरु 

मंदिर तलाव परिसरातील घटनेची माहिती मिळताच टिटवाळा पोलिसांसह अग्निशमन विभागाने घटनास्थळी धाव घेतली. मृतदेह ताब्यात घेत पोस्टमार्टमसाठी पाठवला. याबाबत टिटवाळा पोलीस ठाण्यात नोंद करण्यात आली असून गणेश यांनी आत्महत्या का केली याचा तपास टिटवाळा पोलीस करत आहेत.