यवतमाळच्या (Yavatmal) वणी तालुक्‍यातील सुकनेगाव शिवारात असलेल्‍या तलावाजवळ वाघाचा बछडा मृतावस्थेत आढळला. त्यामुळे परीसरात चांगलाच गोंधळ निर्माण झाला आहे. कोळसा खाणी तसंच जंगल परीसरात वाघाचा वावर असल्याचं यापुर्वी स्‍पष्‍ट झालं होतं. (Latest Marathi News)
येथील शेतकरी देखील वाघाच्‍या दहशतीत वावरत आहेत. यापुर्वी वाघानं जनावरं तसेच शेतमजुरांवर हल्‍ला चढविल्‍याच्‍या घटना घडलेल्‍या आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
वाघाचा बछडा मृतावस्थेत आढळला
सुकनेगाव येथील तलावाजवळ आईपासुन बाजुला झालेला वाघाचा बछडा जमिनीवर पडलेला लोकांना दिसला. त्यांनी जवळ जाऊन पाहिल्यानंतर तो मृतावस्थेत (Dead Tigers Calf) असल्याचं समजलं. यामुळे परिसरात चांगलीच खळबळ उडाली. नागरिक खूप घाबरले आहेत. या घटनेची माहिती त्यांनी वनविभागाला दिली.
वन‍परीक्षेत्रीय अधिकारी प्रभाकर सोनडवले यांनी पथकासह तातडीने घटनास्‍थळ गाठले. त्‍यावेळी सुकनेगाव बिटमध्‍ये महसुल विभागाच्‍या कक्ष क्रमांक 6 पासुन 20 ते 30 मीटर अंतरावरील तलावाजवळ वाघाचा बछडा मृतावस्थेत पडलेला (Tigers Calf found dead In Suknegaon) होता.
सुकनेगाव परीसरात वाघिनीचा संचार
सुकनेगाव परीसरात मागील काही दिवसांपासुन एका वाघिनीचा संचार असल्याचं सांगण्‍यात येत आहे. त्‍या वाघीनीपासुन तिचा बछडा विभक्‍त झाला. त्यानंतर त्‍याचा भुकेनं मृत्‍यू (Tigers Calf found dead) झाला असावा, असा अंदाज वनविभागाने वर्तविला आहे.
त्यानंतर घटनास्‍थळाचा पंचनामा करण्यात आला. त्यानंतर मंदर येथील निलगीरी वनात वाघाच्‍या या मृत बछड्यावर अत्‍यंसंस्‍कार करण्यात आले आहेत.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.