Belgaum Miraj Passenger Train : कोरोनामुळे (corona) दोन वर्षांच्या खंडानंतर मिरज - बेळगाव मार्गावर आता पॅसेंजर रेल्वे धावणार आहेत. उद्यापासून (ता. 25 ऑगस्ट) हुबळी मिरज , कॅसलरॉक - मिरज आणि लोंढा मिरज या तीन गाड्या धावणार आहेत. एकूण 29 रेल्वे स्टेशनला आता सहा पॅसेंजर गाड्यांचा लाभ मिळणार आहे. दरम्यान वर्षभरापासून सुरू करण्यात आलेली बेळगाव शेडवाळ पॅसेंजर रद्द करण्यात आली आहे.

गेल्या दोन वर्षांत जून 2020 पासून टप्प्याटप्प्याने रेल्वे रद्द करण्यात आल्या होत्या. तर वर्षानंतर एक्स्प्रेस गाड्या टप्प्याटप्प्याने सुरु केल्या. मात्र दोन वर्षे उलटली तरी पॅसेंजर गाड्या बंदच होत्या. पॅसेंजर गाड्या या सेंट्रल रेल्वे पुणे विभागाच्या असल्यामुळे तसेच त्यांनी गाड्या अन्य मार्गाने वळवल्याने हुबळी विभागाला पॅसेंजर सोडण्यासाठी गाडी उपलब्ध होत नव्हती.

पॅसेंजर गाड्या बंद झाल्यामुळे बेळगाव ते मिरज मार्गावरील सोळा रेल्वे स्टेशन्स ओस पडले होते. बेळगाव - मिरज (miraj) पॅसेंजरच्या अभावाने सुमारे दोन हजारहून अधिक मजुरांचा रुग्ण आणि त्यांच्या नातेवाईकांचेही हाल सुरू होते. त्यामुळे तातडीने पॅसेंजर रेल्वे सुरु करण्याची मागणी होत होती. आता गाड्या सुरू करण्यात आल्या आहेत. यामध्ये प्रवाशांसाठी तर मालवाहतूक आणि इतर साहित्यासाठी दोन डबे असतील असे रेल्वे प्रशासनानं नमूद केले.

Edited By : Siddharth Latkar