वाशिम : ओंकारेश्वर - उज्जैन येथून घरी (home) परतत असताना मंगरूळपीर (mangrulpir) तालुक्यातील पार्डी ताड फाट्याजवळ झालेल्या अपघातात (accident) दाेन जण गंभीर तसेच एक जण किरकाेळ जखमी (injured) झाला आहे. (washim latest marathi news)

या अपघाता बाबतची मिळालेली माहिती अशी : ओंकारेश्वर (उज्जैन) येथून घरी परत जात असताना मंगरूळपीर तालुक्यातील पार्डी ताड फाट्यानजीक चालकाला डुलकी आल्याने क्रुझर पलटी झाली. यामध्ये आसोला हांडे येथील रहिवासी जखमी झालेत.

यामध्ये माणिक जाधव (वय ६०), रामस्वरुप दास महाराज (वय ६४) हे दाेन्ही ज्येष्ठ नागरिक गंभीर जखमी झाले आहेत. तसेच किसन राठोड (वय ६०) हे किरकोळ जखमी झाले आहेत. या सर्व जखमींना शेलुबाजार येथे प्राथमिक उपचार करून पुढील उपचारासाठी अकोला (akola) येथे पाठविण्यात आले आहे.

Edited By : Siddharth Latkar