Mahableshwar Tapola Road Accident News : महाबळेश्वर तालुक्यातील अपघाताची मालिका काही संपेना. शनिवारी झालेल्या भीषण अपघातानंतर रविवारी रात्रीच्या सुमारास पुऩ्हा एक अपघात (accident) झाला. या अपघातात एका वाहन सुमारे दाेनशे फुट खाेल दरीत काेसळले. या वाहनातील तिघे जण जखमी झाल्याची माहिती प्राप्त झाली आहे.

महाबळेश्वर (mahableshwar) नजीकच्या चिखली शेड परिसरात रविवारी (ता. १५) रात्री दहा वाजता मेटगुताड येथून तापोळाच्या दिशेने निघालेले माल वाहतुक दोनशे फूट दरीत कोसळले. हा अपघात वाहनाचा ब्रेक फेल झाल्याने घडला अशी प्राथमिक माहिती उपलब्ध झालेली आहे. (Breaking Marathi News)

या अपघातानंतर संबंधित वाहन झाडात अडकले. या वाहनात तिघे जण हाेते. ते तिघेही अपघातात जखमी झाले हाेते. अंधारातून एक जण दरीतून मुख्य रस्त्यावर आला. त्याने अपघाताची माहिती स्थानिकांना दिली.

चिखली येथील शिवसेनेचे कार्यकर्ते तसेच सहयाद्री ट्रेकर्सच्या जवानांनी घटनास्थळी धाव घेतली. त्यानंतर जखमींना दरीतून बाहेर काढले. या अपघातात श्रीकांत गणपत बावळेकर, विजय बजरंग मोरे आणि सुरज यशवंत घाडगे हे तीन युवक (youth) जखमी झाले आहेत. त्यांच्यावर रुग्णालयात उपचार सुरु आहेत.

Edited By : Siddharth Latkar