सुशांत सावंत

Sindhudurg News : कोकणात राणे विरुद्ध ठाकरे गट असा राजकीय सामना पाहायला मिळत आहे. आगामी निवडणुकीत आपली ताकद वाढवण्यासाठी प्रत्येकजण प्रयत्न करत आहे. नितेश राणेंच्या या प्रयत्नांना यश मिळालं आहे. कारण शिवसेनेच्या ठाकरे गटाच्या तीन नगरसेवकांनी आज भाजपमध्ये प्रवेश केला.

कणकवली देवगड वैभववाडीचे आमदार नितेश राणे यांनी ठाकरे गटाला मोठा धक्का दिला. वैभववाडी नगरपंचायतीचे नगरसेवक सुभाष रावराणे, श्रद्धा रावराणे, प्रदीप रावराणे यांनी ठाकरे गटाला सोडचिठ्ठी देत भाजपमध्ये प्रवेश केला. राज्याचे सार्वजनिक बांधकाम मंत्री आणि भाजप नेते रविंद्र चव्हाण यांच्या उपस्थितीत हा पक्षप्रवेश पार पडला.

नगरसेवक प्रदीप प्रकाश रावराणे, श्रद्धा रोहित रावराणे, सुभाष अनाजी रावराणे यांच्या पक्षप्रवेशावेळी केंद्रीय मंत्री नारायणर राणे देखील उपस्थित होते. सोबत संताजी रावराणे, प्रशांत रावराणे, रोहित रावराणे, आशिष रावराणे देखील उपस्थित होते. (Latest News Update)

वर्षभरापूर्वी झालेल्या नगरपंचायत निवडणुकीत वैभववाडी नगरपंचायत भाजपने जिंकली होती. त्या निवडणुकीआधी भाजपचे 7 माजी नगरसेवक फोडले होते जे राजकारणात अस्तित्वहीन झाले. आमदार नितेश राणेंनी आज ठाकरे गटाच्या तीन आमदांराचा भाजप प्रवेश केला.