Chandrapur Latest News: चंद्रपूर जिल्ह्यात पोायला गेलेली तीन मुलं वर्धा नदीत बुडाली आहेत. ही घटना गोंडपिपरी तालुक्यातील तोहोगाव येथे उजेडात आली आहे.

मिळालेल्या माहितीनुसार, आज दुपारी चार मुलं वर्धा नदीच्या पात्रात पोहायला गेली. मात्र त्यातील एक मुलगा गावात परत आला आणि तीन मित्र वाहून गेल्याचं त्यानं सांगितलं. गावकऱ्यांनी पोलिसांच्या मदतीने नदी पात्रात मुलांचा शोध सुरु केला आहे. बुडालेली सर्व मुलं अंदाजे १० वर्ष वयोगटातील आहेत. प्रतिक जुनघरे, निर्दोष रंगारी, सोनल रायपुरे अशी बेपत्ता असलेल्या मुलांची नावे आहेत.

जलविहार करताना स्टंटबाजी जीवावर बेतली

दरम्यान, अलीकडेच बुलढाण्यात मेहेकेर तालुक्यातील देऊळगावमाळी जवळ असलेल्या कोराडी प्रकल्पात एक युवक बुडाल्याची दुर्देवी घटना घडली आहे. रोशन मुरारी इंगळे असे या बुडालेल्या तरुणाचे नाव आहे. (Latest Marathi News)

मेहेकर तालुक्यातील देऊळ गावमाळी जवळ असलेल्या कोराडी प्रकल्पात विवेकानंद स्मारकावर लक्ष्मण गजानन इंगळे, (वय 22 वर्ष) आदेश किशोर इंगळे(वय 21 वर्ष) ऋतिक भारत सोनूने (वय वर्षे 23,) अनिकेत गणेश सुरडकर (वय वर्ष 24) हे तरुण प्रतिकन्या कुमारी परिसरात फिरण्यासाठी गेले होते.

यावेळी तरुणांनी त्याठिकाणी तलावातील नौका विहार करण्याचा निर्णय घेऊन नौकेत् फेरफटका मारायला सुरवात केली. शेवटी नौका किनाऱ्यावर यायला लागली तेव्हा नौकेतील दोघांनी तलावात उडी मारून स्टँटबाजी करण्याचा प्रयत्न केला. हीच स्टंटबाजी त्यांच्या जीवावर आली आणि हे तरुण बुडायला लागले. त्यामधील एकाला नौका चालकाने वाचविले. मात्र दुसरा रोशन इंगळे हा पाण्यात बुडाला. या घटनेची माहिती मिळताच साखरखेर्डा पोलीससुद्धा घटनास्थली पोहोचले. ज्यानंतर रोशन इंगळेचा शोध मोहिम सुरू केली. मात्र अद्याप रोशन इंगळे याचा मृतदेह सापडला नाही.