- नवनीत तापडिया

Marriage : बनावट लग्न लावून फसवणुकीचे गुन्हे हे पैठण तालुक्यात वाढले होते. त्यामुळे औरंगाबाद ग्रामीण पोलिसांनी काल एका लग्नाच्या ठिकाणी जाऊन विचारपूस केली असता संशयास्पद माहिती मिळाल्याने तिघांना ताब्यात घेतले.

औरंगाबाद ग्रामीण पोलिसांनी काल एका लग्नाच्या ठिकाणी जाऊन विचारपूस केली असता मुलाच्या घरच्यांना तिघांनी आमच्याकडे मुलगी आहे. तिला आई-वडील नाही तिला लग्न लावून देण्यासाठी दीड लाख रुपये द्या अशी मागणी केली.

आम्ही तुमच्या मुलाचे लग्न करून देतो असे सांगून 18 ते 20 हजार रुपयांची खरेदी करून लग्नाचे सोंग मांडले होते. मात्र पोलिसांनी हा प्रयत्न हाणून पडला आणि एका महिलेसह तिघांना ताब्यात घेतले.

त्यांच्याविरुद्ध गुन्हा दाखल करण्यात आला आहे. या सर्वांनी औरंगाबाद (aurangabad), जालना आणि नगर (nagar) तसेच परराज्यात देखील यापूर्वी बनावट लग्न केले असल्याचा संशय असून पोलीस यासंदर्भात चौकशी करत आहेत.

Edited By : Siddharth Latkar