Pandharpur News Today: यंदा राज्यात पुरेशा प्रमाणात पाऊस झाला नसल्याने ऊस आणि साखरेचे उत्पादन घटणार आहे. परिणामी ऑक्टोंबर मध्ये साखर कारखाने सुरू झाले नाही तर ऐन दिवाळीत ग्राहकांना 50 रुपये किलो दराने साखर खरेदी करावी लागेल अशी माहिती पंढरपूर येथील श्री विठ्ठल सहकारी साखर कारखान्याचे चेअरमन अभिजीत पाटील यांनी दिली. (Latest Marathi News)

श्री विठ्ठल सहकारी साखर कारखाना आयोजित शेतकरी (Farmer) मेळाव्यात ते बोलत होते. जूनमध्ये पाऊस पडला नसल्याने ऊस उत्पादनात घट होणार आहे. त्यामुळे साखरेचे उत्पादन देखील 15 ते 20% ने घटणार आहे. ऐन सणासुदीच्या काळात साखरेचा तूटवडा भासणार आहे. यामुळेच दिवाळीमध्ये साखर पन्नाशी गाठेल. (Pandharpur News)

तर दुसरीकडे परदेशामध्ये साखर 80 रुपये किलोने विकली जात आहे. मात्र भारतामध्ये साखरेच्या निर्यातीवर बंदी असल्याने परदेशात साखरेची स्मगलिंग केली जात असल्याचा आरोप देखील अभिजीत पाटील यांनी केलाय. केंद्र सरकारच्या चुकीच्या धोरणामुळे ऊस उत्पादक शेतकरी अडचणीत असल्याचे पाटील म्हणाले.