पंढरपूर : चोरट्यांनी बंद घरामध्ये चोरी करून चक्क चोरी केलेले घरच पेटवून दिल्याची धक्कादायक घटना समोर आले आहे. पंढरपूर पासून हाकेच्या अंतरावर असलेल्या इसबावी परिसरात ही घटना घडली आहे. अरुण जनार्दन घोडके हे घर बंद करून परगावी केले होते. दरम्यान चोरट्यांनी घर फोडी करून रोख रक्कम, सोन्याच्या दागिने असे एकूण जवळपास दीड लाख रुपयांचा ऐवज चोरून नेला. मात्र चोरटे चोरी करुण गपचूप गेले नाहीत तर त्यांनी जाता जाता घोडके यांच्या घरावरती पेट्रोल टाकून घर पेटवून दिले आहे.

आगीत घरातील महत्त्वाची कागदपत्रे, कपडे, लाईट वायरिंग जळून खाक झाले. यामध्ये अंदाजे दीड लाख रुपयांचे नुकसान झाले आहे. पंढरपूर (Phandharpur) शहर पोलीस ठाण्यात अज्ञात चोरट्या विरुद्ध गुन्हा दाखल करण्यात आला आहे.

Edited By - Jagdish Patil