Viral Video: सोशल मीडियावर अनेक व्हिडिओ व्हायरल होत असतात. यातील अनेक व्हिडिओ भयभीत करणारे तर अनेक व्हिडिओ एखाद्या कामासाठी प्रेरणा देणारे असतात. एखाद्या खड्डयात गाडी अडकली तर ती बाहेर काढण्यासाठी वाहनचालकाला मोठी कसरत करावी लगते. अशात एका पठ्ठ्याने चक्क त्याच्या दाताने खेचून मोठा ट्रक खड्ड्यातून बाहेर काढला आहे. हा व्हिडिओ सध्या सोशल मीडियावर जोरदार व्हायरल होत आहे. (Latest Viral Video)

तब्बल १५,७३० किलो वजनाचा ट्रक दोरीच्या सहाय्याने दाताने खेचल्याने सर्वत्र या तरुणाचे कौतुक केले जात आहे. इतकेच नाही तर त्याच्या कामगिरीसाठी गिनीज वर्ड रेकॉर्डमध्ये त्याच्या नावाची नोंद करण्यात आली आहे. व्हायरल होत असलेला व्हिडिओ गिनीज वर्ल्ड रेकॉर्डच्या पेजवर शेअर करण्यात आला आहे. अशरफ सुलीमान असे या तरुणाचे नाव आहे. व्हिडिओ शेअर करत अशरफने १५,७३०Kg वजनाचा ट्रक दाताने उचलला, असे लिहिले आहे.

अशरफ हा इजिप्तचा रहिवासी आहे. सदर व्हिडिओ देखील तिथेच रेकॉर्ड करण्यात आला आहे. सध्या या व्हिडिओने सोशल मीडियावर सर्वांचे लक्ष वेधले आहे. या व्हिडिओवर नेटकरी सतत लाईक्साचा वर्षाव करत आहेत. यात एका युजरने लिहिले आहे की, स्वत:ची काळजी घेत स्टंट करा. तर दुसऱ्या एकाने हा निव्वळ मूर्खपणा म्हटले आहे. मात्र अनेकांनी अशरफच्या कामगिरीचे कौतुक केले आहे. तसेच अनेक तरुण त्याच्या ताकतीला सलाम करत आहेत.