लातूर : कोरोना काळातCorona Period स्वत:चा जीव धोक्यात घालून काम करणाऱ्या लातूरच्या शासकीय रुग्णालयातील अधिपरिचारिका अर्थात नर्सेसNurse सोबत राखी पौर्णिमेचा सण साजरा करण्यात आला. लातूरच्या आदर्श मैत्री फाउंडेशनच्यावतीने या नर्सेस कडून राखी बांधून रक्षा बंधन साजरे करण्यात आले.The work of nurses and doctors was honored on the occasion of Rakshabandhan

हे देखील पहा-

कोरोनाच्या कठीण काळात आपले घरचे लोकही जवळ येण्यास घाबरत असताना नर्सेस आणि महिला डॉक्टर मात्र प्रत्येक रुग्णाची काळजी बहिणीप्रमाणे करत होत्या. त्यांच्या कष्टाचे सार्थक झाले आणि अनेकांनी कोरोनावर सहज मात केली. त्यामुळे शासकीय रुग्णालयातील नर्सेसच्या प्रति कृतज्ञता व्यक्त करण्यासाठी आदर्श मैत्री फाउंडेशनच्यावतीने हा आगळा-वेगळा सोहळा आयोजित करण्यात आला होता.

शासकीय रुग्णालयातील नर्सेसकडून आदर्श मैत्री फाउंडेशनच्या सदस्यांनी राखी बांधून घेण्यात आली. तसेच साडी-चोळी, मिठाईची ओवाळणी यावेळी या नर्सेसना आदर्श मैत्री फाउंडेशनच्यावतीने देण्यात आली. शासकीय वैद्यकीय महाविद्यालयातील परिसरात आयोजित या कार्यक्रमास अधिष्ठाता, डॉक्टर्स, नर्सेस यांची उपस्थिती होती. या आगळ्या-वेगळ्या राखी पोर्णिमेमुळे उपस्थित नर्स या भारावून गेल्या होत्या.

Edited By-Jagdish Patil