जालना : जालना शहरातील रेल्वे स्थानक माल धक्का परिसरात चार दिवसापूर्वी अज्ञात व्यक्तीचा वाहनाखाली येऊन दुर्दैवी मृत्यु झाला होता. या व्यक्तीच्या मृत्यूची बातमी व फोटो सोशल मीडियावर (Social Media) व्हायरल झाला होता. याच वेळी गेल्या अडीच महिन्यापासून चंदणझिरा परिसरातील सुभाष प्रभाकर जाधव नावाचा व्यक्ती मिसिंग होता.

हे देखील पहा :

सुभाष जाधव आणि अज्ञात वाहनाच्या धडकेत मृत्यु (Death) झालेल्या व्यक्तीचे वर्णन हुबेहुन जुळत असल्याने या घटनेची माहिती परिसरातील नागरिकांनी सुभाष जाधव यांच्या कुटूंबियांना दिली. कुटूंबियांची वाहनाच्या धडकेत मृत्यू पावलेला व्यक्ती हा सुभाष जाधवच असल्याची ओळख पटवल्याने पोलिसांनी अज्ञात व्यक्तीचा मृतदेह संपूर्ण प्रक्रिया करवून कुटूंबियांच्या ताब्यात दिला. कुटूंबियांची आणि नातलगाने विधिवत अंत्यविधी केला. मात्र, चक्क आज अंत्यविधी झालेले सुभाष जाधव घरी परत आल्याने कुटूंबियांना आणि परिसरातील नागरिकांना अवाक झाले.

सुभाष प्रभाकर जाधव जिवंत असून आपण दुसऱ्याच कुणाचा अंत्यविधी केल्याचं लक्षात येताच कुटूंबियांनी घटनेची माहिती कदीम जालना (Jalna) पोलिसांना दिलीय. या संपूर्ण घटनेनंतर परिसरात एकच खळबळ उडालीय. सुभाष जाधव पुन्हा घरी सुखरूप घरी परतल्याने कुटूंबियांत आनंदाचे वातावरण निर्माण झाले आहे. मात्र, ज्या व्यक्तीचा अंत्यसंस्कार करण्यात आला तो व्यक्ती कोण असा प्रश्न आता निर्माण झालाय.

Edited By : Krushnarav Sathe