पंढरपूर : २०१४ च्या लोकसभा निवडणुकीतील हॉटेलची उधारी द्या, मगच पुढं जावा असं म्हणत सांगोला येथील अशोक शिनगारे या हॉटेल मालकाने आज दुपारी पंचायत समितीच्या आवारात माजी मंत्री सदाभाऊ खोत (Sadabhau Khot) यांना अडवलं होतं. पदाधिकारी आणि कार्यकर्त्यांच्या समोरच उधारी साठी हॉटेल मालकाने सदाभाऊ खोत यांच्याबरोबर हुज्जत घातली.

या घटनेची सोलापूर जिल्ह्यात (Solapur District) चर्चा सुरू झाली आहे. अशोक शिनगारे हे २०१४ च्या लोकसभा निवडणूकीत सदाभाऊ खोत यांचे कार्यकर्ते होते. निवडणूकीमध्ये अशोक शिनगारे यांनी पदरमोड करून उधारीने जेवणावळी घातल्या होत्या. त्याची उधारी अद्याप सदाभाऊ खोत यांचेकडे थकीत आहे.

पाहा व्हिडीओ -

वारंवार उधारीची मागणी करून‌ ही मिळत नसल्याने संतप्त झालेल्या अशोक शिनगारे यांनी आज सदाभाऊ खोत यांना अडवून, 'आधी उधारी द्या आणि मगच पुढे जावा; असं म्हणत त्यांना अडवण्याचा प्रयत्न केला.‌

यावेळी सदाभाऊ खोत यांनी हॉटेल मालकाची समजूत काढून सुटका करून घेतली. सदाभाऊ आज पंचायतराज समितीच्या दौऱ्याच्या निमित्ताने सांगोला पंचायत समितीमध्ये आले होते. सर्वांसमोर उधारीसाठी सदाभाऊ खोत यांना अडवल्याने काही वेळ तणाव निर्माण झाला होता.

Edited By - Jagdish Patil