बीड : भरधाव कारने दुचाकीला पाठीमागून जोराची धडक दिल्याने झालेल्या भीषण अपघातात दुचाकीवरील दोघे जण जागीच ठार झाले आहेत. हा अपघात रात्रीच्या दरम्यान मांजरसुंबा- पाटोदा राष्ट्रीय महामार्गावरील महाजनवाडी वाघिरा फाट्यावर झाले आहे.

हे देखील पहा-

पोपट भानुदास मस्के (वय- 38) आणि घैनीनाथ विठ्ठल मस्के (वय 40) दोघे रा.भाळवनी ता. बीड अशी अपघातातील मयतांची नावे आहेत. पोपट आणि घैनीनाथ हे दोघेही कारखान्याची उचल आणण्यासाठी दुचाकीवर पारनेर या ठिकाणी गेले होते. ते दुचाकी क्र. एमएच-13, 3973 वरून गावी येत असताना, पाठीमागून भरधाव आलेल्या एमएच-16 एटी- 960 या क्रमांकाच्या कारने जोराची धडक दिली.

या भीषण अपघातात दुचाकीवरील दोघांचाही जागीच मृत्यू झाला आहे. तर घटनेची माहिती समजताच नेकनूर पोलीस ठाण्याचे सपोनि. मुस्तफा शेख यांच्यासह कर्मचाऱ्यांनी घटनास्थळी धाव घेतली होती. दरम्यान मृतदेह रुग्णालयात शवविच्छेदनासाठी दाखल करण्यात आले असून, या घटनेने परिसरात हळहळ व्यक्त केली जात आहे.

Edited By- Digambar Jadhav