भूषण अहिरे

धुळे : महाराष्ट्र राज्य परिचारिका संघटनेतर्फे Nursing Association प्रलंबित मागण्यांसाठी गेल्या 21 तारखेपासून सुरू असलेला संप संघटनेतर्फे आज चार वाजेपासून मागे घेण्याचा निर्णय घेण्यात आला आहे. प्रशासनाच्या वरिष्ठ सोबत तब्बल दोन तास चाललेल्या ऑनलाईन मीटिंग नंतर परिचारिका संघटनेतर्फे हा निर्णय घेण्यात आला असल्याचे रिचारिका संघटनेच्या पदाधिकार्‍यांनी स्पष्ट केले आहे. The agitation started by the nurses union has finally succeeded

हे देखील पहा -

गेल्या कित्येक महिन्यांपासून परिचारिका संघटनांतर्फे विविध मागण्यांची मागणी करण्यात आली होती. परंतु या मागण्यांकडे प्रशासनाचे सर्रासपणे दुर्लक्ष होत असल्यामुळे अखेर परिचारिका संघटनातर्फे 21 जून पासून टप्प्याटप्प्याने काम बंद आंदोलन सुरू करण्यात आले होते.

आज पासून म्हणजेच 25 जून पासून मागण्या मान्य होईपर्यंत संपूर्ण काम बंद आंदोलन Agitation सुरू करण्यात आले होते. परंतु प्रशासनाने या आंदोलनाची दखल घेत, पुढील पंधरा दिवसांमध्ये परिचारिकांच्या सर्व प्रलंबित मागण्या मान्य करण्याचे ठरविले. अखेर आज संध्याकाळी चार वाजेपासून परिचारिका संघटनांतर्फे सुरू असलेले बेमुदत काम बंद आंदोलन स्थगित करण्याचा निर्णय संघटनेच्या पदाधिकाऱ्यांनी घेतला असल्याचे स्पष्ट केले आहे.

Edited By-Sanika Gade