भुसावळ जळगाव यावल तालुक्यातील पिंपरूड गावाजवळ सावदा रस्त्यावर भुसावळकडून येणाऱ्या होंडा सिटी कारने रस्त्यावर एका लिंबाच्या झाडाला जोरदार धडक दिली. त्यात कारचा चक्काचूर झाला असून तीन ते चार जण जागीच ठार झाले आहेत. दरम्यान, कारमधील मयत झालेले तीन तरूण भुसावळ येथील मित्राच्या बहिणीच्या हळदीचा कार्यक्रम आटोपून रावेरकडे परतत होते.

दरम्यान यावेळी ते परतत असताना हा भीषण अपघात झाल्याची प्राथमिक माहिती समोर आलेली आहे. यातील अन्य दोन जण गंभीर जखमी असून त्यांना सावदा येथील खाजगी रूग्णालयात भरती करण्यात आलेलं आहे. रावेर शहरातील शुभम सोनार, वय २५ वर्ष, मुकेश रायपूरकर, वय २३ वर्ष व जयेश भोई हे जागेच ठार झाले. तर इतर गणेश भोई (फोटोग्राफर) सह आणखी एक गंभीर जखमी असुन त्याला रुग्णालयात दाखल करण्यात आले आहे.

मिळालेल्या माहितीनुसार रात्री १२ ते ०१ वाजेच्या सुमारास भुसावळकडून येणाऱ्या MH20CH8002 या क्रमांकाच्या होंडा सिटी कारने सावदा-भुसावळ रस्त्यावरील पिंपरुड सावदा दरम्यानच्या रस्त्यावर एका लिंबाच्या झाडाला जोरदार धडक दिल्याने त्यात कारचा चक्काचूर झाला. होंडा सिटी कारचे मशीनचे पार्ट जवळ-जवळ १०० ते १५० फूट अंतरावर विखुरले गेले.

या कार मध्ये पाच ते सहा जण असल्याची माहिती मिळली असून त्यातील ३ ते ४ जण ठार झाल्याची माहिती समोर आली आहे. कारने ज्या झाडाला धडक दिली त्या झाडाची संपूर्ण साल निघून गेली आहे. ही कार रावेर येथील असल्याचीही माहिती मिळत आहे. ते मित्राच्या हळदीचा कार्यक्रम आटोपून येत होते.

दरम्यान, अहिल्यानगर जिल्ह्यातील बाभळेश्वर जवळ सुद्धा एक अपघात घडला आहे. भरधाव कंटेनर घरात घुसला. नगर मनमाड महामार्गावर धावणारा ट्रक थेट घरात घुसला. पहाटे तीन वाजेच्या दरम्यान ही घटना घडली. घरात चारजण झोपलेले होते. सुदैवानेवाने कुणालाही इजा झाली नाही. कापसे कुटूंबीय बालंबाल बचावले आहेत. चालकाचे नियंत्रण सुटल्याने हा अपघात झाला. रस्त्याचे अर्धवट कामही या अपघाताला कारणीभूत आहेत.