अहमदनगर: शिक्रापूर (Shikrapur) ता. शिरूर येथील २४वा मैल येथे पुणे (Pune) नगर (Ahmednagar) महामार्गावर भीषण अपघात (Accident) झाला आहे. या अपघातामध्ये ३ वाहनांचा विचित्र अपघातात ४ जणांनाचा मृत्यू झाला आहे .तर २ जण गंभीर जखमी झाल्याची धक्कादायक माहिती मिळाली आहे. या जखमींना तातडीने जवळच्या रुग्णालयामध्ये (hospital) उपचाराकरिता दाखल करण्यात आले आहे. (Terrible accident on Pune Nagar highway)

हे देखील पहा-

पुणे (Pune)- नगर महामार्गावर शिक्रापूर (Shikrapur) येथील २४ वा मैल इथे भीषण अपघात (Accident) झाला आहे. ट्रकने कार आणि २ टू व्हीलर गाड्यांना जोरदार धडक दिली आहे. हा भीषण अपघात घडला आहे. ट्रक पुण्याकडून नगरच्या दिशेला जात होता. तर फोर व्हीलर वाहन आणि २ टू व्हीलर नगरकडून पुण्याच्या दिशेने चाले होते. ट्रक डिव्हायडर तोडून विरुद्ध दिशेने जाऊन कार आणि २ बाईकला धडकला आहे. या भीषण अपघाताची माहिती तातडीने पोलिसांना (Police) देण्यात आली आहे.

अपघातामध्ये बाईकवर विठ्ठल हिंगाडे आणि रेश्मा हिंगाडे या पती- पत्नी दाम्पत्याचा जागीच मृत्यू झाला आहे. तर कार मधील लिना निकसे यांचा ही जागीच मृत्यू झाला आहे. मृता मधील एकाचे नाव अद्याप समजू शकले नसून जखमींची ही ओळख पटवण्याचे काम पोलीस (Police) करत आहेत. अधिक तपास शिक्रापूर पोलिस करत आहे.

Edited By- Digambar Jadhav