राजेश भोस्तेकर

रायगड : 22 जुलै रोजी अतिवृष्टीने महाड तालुक्यातील तळीये येथील जलनी माता डोंगराचा मातीचा ढिगारा कोसळून 32 घरे गाढली गेली. या दुर्घटनेत 85 जणांचा मृत्यू झाला होता. तळीये गावातील 21 कुटूंब ही पूर्णतः बेघर झाली आहेत. या कुटूंबाच्या तात्पुरत्या निवाऱ्याची सोय करण्यासाठी जिल्हा प्रशासनाने पावले उचलली असून हिरानंदानी याच्या मार्फ़त 24 अत्याधुनिक अशी कंटेनर हाऊस तयार करण्यात आली आहेत.

हे देखील पहा -

या कंटेनर हाऊस मध्ये स्वयंपाक घर, स्वछता गृह, फॅन, विजेची सुविधा करण्यात आली आहे. एका कुटूंबासाठी लागणारी सर्व सुविधा या कंटेनर हाऊस मध्ये करण्यात आलेली आहे. तळीये गावातच मोकळ्या जागेवर ही सुविधा करण्यात आली आहे.

तळीयेमध्ये सध्या 11 कंटेनर हाऊस बसविण्यात आले असून एकूण 24 हाऊस तयार केले जाणार आहेत. यामध्ये 21 कुटूंब राहणार असून उर्वरित तीन कंटेनर मध्ये ग्रामपंचायत कार्यालय, अंगणवाडी आणि पोस्ट ऑफिस बनविले जाणार आहे. अशी माहिती तळीये ग्रामपंचायतीचे उपसरपंच महेश म्हस्के यांनी दिली आहे. जिल्हा प्रशासनाकडून तात्पुरती निवाऱ्याची सुविधा करण्यात आली असल्याने 11 तारखे पर्यत 24 कंटेनर हाऊस उभारले जाणार असून बेघर झालेले कुटूंब वास्तव्य करणार आहेत, असे म्हस्के यांनी सांगितले आहे.

Edited By : Krushnarav Sathe