- मंगेश भांडेकर

Gadchiroli News : तेलंगणा राज्यात ढगफुटी सदृश्य सहाशे मिलिमीटर पाऊस झाला आहे. यामुळे महाराष्ट्राच्या सीमेवरील भूपालपल्ली जिल्ह्यात गंभीर पूरपरिस्थिती निर्माण झाली आहे. (Maharashtra News)

तेथील हजारो घेरे पाण्याखाली आल्याने तेलंगाणा राज्यातील कडेम आणि श्रीपदा एल्लमपल्ली धरणातून मोठ्या प्रमाणात विसर्ग सुरू करण्यात आला आहे. याचा फटका थेट गडचिरोली जिल्ह्यातील सिरोंचा तालुक्याला बसला आहे.

तेथील पुराचे पाणी गोदावरीला येऊन मिळाले असून गोदावरीच्या पुरामुळे सिरोंचा तालुक्यातील अनेक गावांमध्ये पाणी शिरले आहे. सिरोंचा तालुक्यातील असरअल्ली मध्ये 164.8 मिलीमीटर इतका पाऊस झाला. दरम्यान पूरग्रस्त (floods) 4 गावांतील चारशेहून अधिक लोकांना सुरक्षितस्थळी पाठविण्यात आले आहे.

Edited By : Siddharth Latkar