Nagpur Crime News : शिवजयंतीच्या (shiv jayanti) दिवशी तलवार नाचविल्याचा व्हिडिओ व्हायरल (video viral) झाल्यानंतर पाेलिसांनी (police) त्याची दखल घेत सहा जणांवर गुन्हा दाखल केला आहे. या सर्व युवकांना (youth) पाेलिसांनी अटक (arrest) केल्याची माहिती विनायक गोलहे (पीआय, तहसील पोलीस स्टेशन, नागपूर) यांनी दिली.

शिवजयंतीच्या दिवशी नागपूरच्या पारडी परिसरातून एक रॅली काढण्यात आली होती. ही रॅली नागपूरच्या मोमीनपुरा परिसरातून जात असताना बाईकवरून जाणाऱ्या दोन युवकांनी हातात तलवारी घेऊन त्या तलवारी झळकविल्या होत्या.

या घटनेचा व्हिडिओ सोशल मीडियावर मोठ्या प्रमाणात व्हायरल झाला. हा व्हिडिओ पाेलिसांपर्यंत पाेहचला. त्यानंतर पोलिसांनी मोमीनपुरा परिसरातील सीसीटीव्ही चेक करून सहा जणांवर गुन्हा दाखल केला. (Maharashtra News)

या सर्व युवकांना पाेलिसांनी शोधून अटक केली. महत्त्वाचा म्हणजे ही रॅली पारडी पासून निघून शहराच्या वेगवेगळ्या भागातून जात मोमीनपुरा भागातून जात असताना हा सगळा प्रकार घडला. या व्हिडिओची पूर्ण शहनिशा केल्यानंतर पोलिसांनी ही कारवाई केल्याची माहिती विनायक गोलहे (पीआय, तहसील पोलीस स्टेशन, नागपूर) यांनी दिली.

Edited By : Siddharth Latkar