- सुशील थोरात

Manikdaundi Ghat Accident News : पाथर्डी (pathardi) तालुक्यातील माणिकदौंडीच्या घाटात आज (गुरुवार) झालेल्या अपघातानंतर टँकरला भीषण आग लागली. या आगीने राैद्ररुप धारण केल्याने या घाटातील वाहतूकी दोन्ही बाजूने बंद करण्यात आली आहे. फायर ब्रिगेडच्या पथकास पाेलिसांकडून अपघाताची माहिती देण्यात आली आहे. (Maharashtra News)

या अपघाताबाबत घटनास्थळावरुन आणि पाेलिसांकडून मिळालेली माहिती अशी - माणिकदौंडीच्या घाटात एक टँकर पलटी झाला. त्यानंतर टँकरला मोठी आग लागली. त्यामुळे टँकर जवळ काेणाला ही जाता आले नाही. आगीचा (fire) भडका वाढल्याने घाटातील वाहतूक दोन्ही बाजूने बंद करण्यात आली.

या आगीत जीवित हानी झाल्याची माहिती स्थानिक नागरिकांकडून दिली जात असली तरी अद्याप आग आटाेक्यात आलेली नाही. त्यामुळे अधिकृत मृतांचा अथवा जखमींनी नेमकी संख्या पाेलिसांना देखील सांगता येत नाहीये.

Edited By : Siddharth Latkar