बुलडाणा : राजु शेट्टींनी (raju shetti) राज्यभर चक्काजाम करण्याच्या आवाहनास बुलडाण्यात माेठा प्रतिसाद मिळाला आहे. बुलडाण्यात (buldhana) स्वाभिमानीचे (swabhimani shetkari sanghatana) विदर्भ अध्यक्ष प्रशांत डिक्कर यांचे मध्यरात्री पासून शेकडो शेतकऱ्यांनासह रास्ता रोको आंदोलनाला प्रारंभ झाला आहे. महावितरण विरोधात स्वाभिमानी शेतकरी संघटना मध्यरात्री पासुन टायर पेटवून शेगाव जळगाव मार्ग अडवला.

राजु शेट्टी यांनी १० दिवसांपासून चालु केलेल्या आंदोलनाची सरकारने दखल घेतली नसल्याने आंदोलनाला हिंसक वळण बुलडाण्यातील शेकडो शेतकरी रस्त्यावर उतरले आहेत. चांगेफळ फाट्याजवळ शेकडो शेतकरी रास्ता रोको आंदोलनात सहभागी झाल्याने एकच खळबळ उडाली आहे. इयत्ता बारावीची परिक्षा (HSC Exam) असल्याने रास्ता राेकाे आंदाेलनात विद्यार्थ्यांना मुभा देत साेडले जात आहे.

राज्यातील शेतकऱ्यांच्या कृषी पंपाला दिवसा १० तास वीज द्या अशी मागणी राजू शेट्टी यांनी केली आहे. राजु शेट्टी यांच्या मागण्या संदर्भात सरकारने निर्णायक भुमिका घ्यावी, अन्यथा राज्यात अधिक तिव्र चक्का जाम करणार असल्याचा इशारा प्रशांत डिक्कर यांनी दिला आहे.

Edited By : Siddharth Latkar