swabhimani shetkari sanghatana, kolhapur saam tv
महाराष्ट्र

Raju Shetti : 'स्वाभिमानी' चा साखर कारखानदारांच्या विराेधात ढाेल बजाओ, राजू शेट्टींची पुढच्या आंदाेलनाची दिशा स्पष्ट

Swabhimani Shetkari Sanghatana : आजपासून कारखान्यातून बाहेर पडणारी साखर अडवणार असल्याचा इशारा शेट्टींनी दिला.

Siddharth Latkar

- रणजीत माजगावकर

Kolhapur News : कोल्हापूरात स्वाभिमानी शेतकरी संघटनेच्या वतीने आज (साेमवार) राजाराम सहकारी साखर कारखान्यासमोर ढोल बजाओ आंदोलन करण्यात आले. एफआरपी अधिक दुसरा हप्ता 400 रुपये प्रति टन मिळावा या मागणीसाठी स्वाभिमानीने हे आंदाेलन छेडले. या आंदाेलनात सौरभ शेट्टी यांच्यासह शेतकऱ्यांनी ढोल वाजवत कारखानदारांना जागे करण्याचा प्रयत्न केल्याचे सांगितले. (Maharashtra News)

दरम्यान स्वाभिमानीचे नेते राजू शेट्टी यांनी पत्रकार परिषद घेत सरकारला इशारा दिला. शेट्टी म्हणाले उसाला दुसरा हप्ता 400 रुपये मिळावा यासाठी 13 सप्टेंबरला साखर कारखानदारांकडे मागणी केली हाेती. त्यावेळी 2 ऑक्टोबरपर्यंत कारखानदारांना मुदत देण्यात आली हाेती.

आजपर्यंत 400 रूपये देण्याचे कोणत्याही कारखान्याने मान्यता दिली नाही. त्यामुळे सरकारने निश्चित केलेल्या दारावरील अतिरिक्त पैसे मागत आहे. सांगली, कोल्हापूर जिल्ह्यातील साखर कारखाने का देत नाहीत असा सवाल शेट्टींनी केला आहे.

आजपासून कारखान्यातून बाहेर पडणारी साखर अडवणार असल्याचा इशारा शेट्टींनी दिला. ते म्हणाले स्वाभिमानीचे कार्यकर्ते साखर बाहेर सोडणार नाही. येत्या 17 ऑक्टोबर पासून शिरोळ पासून सर्व साखर कारखाना मार्गावर पदयात्रा काढणार आहाेत. आत्मक्लेश आंदोलन करणार आहाेत. 22 दिवस पदयात्रा करून ऊस परिषद होणार असल्याचे शेट्टींनी नमूद केले.

दरम्यान राज्यातील 37 कारखान्या समोर आंदोलन होणार असून आगामी काळात मागण्या मान्य न झाल्यास महाराष्ट्रसह कर्नाटकातील कारखाने सुरू होऊ देणार नाही असा इशारा देखील शेट्टींनी साखर कारखानदारांना दिला.

Edited By : Siddharth Latkar

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

'मराठीचाच अजेंडा'; कोणताच झेंडा नाही, ठाकरे बंधूंच्या विजयी मेळाव्याची निमंत्रण पत्रिका चर्चेत

रशियाच्या हल्ल्याने युक्रेन हादरलं, ट्रम्पसोबत चर्चेनंतर रशियाचा हल्ला; युक्रेनची राजधानी रशियाकडून उध्वस्त?

IND vs ENG Test 2 Day 3: All Out! सिराजच्या भेदक माऱ्यापुढे इंग्लंडची टीम ढेपाळली; भारताकडे 180 धावांची आघाडी

Sushil Kedia : आमच्यासारखा जर खरंच पेटून उठला तर...व्यावसायिक सुशील केडिया यांनी राज ठाकरेंना डिवचलं

ठाकरेंच्या मेळाव्याला काँग्रेस-राष्ट्रवादीची दांडी? ठाकरेंच्या मेळाव्यात मविआचा सहभाग? मराठीवरून मविआत फूट?

SCROLL FOR NEXT