Beed Crime News : ऊसतोड कामगार महिलेला, ऊसतोडणीची उचल देतो असे सांगून लाॅजवर बोलावून तिच्यावर अत्याचार केल्याची धक्कादायक घटना घडली आहे. ही धक्कादायक आणि संतापजनक घटना बीडच्या वडवणीमध्ये उघडकीस आली आहे. याप्रकरणी मुकादमाविरोधात वडवणी पोलीस ठाण्यात बलात्काराचा गुन्हा दाखल करण्यात आला आहे. मुकादम मुंजा रतन वाघमारे अस आरोपीचं नावं आहे.  (Latest Marathi News)

पिडीतेन मुकदामाला फोन करत पुढच्या वर्षीसाठी ऊसतोडणीची उचल म्हणून पैसे देण्याची मागणी केली. यावर मुंजा वाघमारे याने तिला वडवणीला ये, असा निरोप दिला. वडवणीत आल्यावर कॉल केल्यानंतर त्याने एका लॉजचा पत्ता दिला. यावेळी तिच्याच गावातील दत्ता गायकवाड ही व्यक्ती खाली होती. त्याने पीडितेच्या चार वर्षांच्या मुलीला स्वत:जवळ ठेवत, मुकादमाकडून पैसे घेऊन खाली आल्यावर मुलीला घेऊन जा, असे सांगितले. (Beed Crime)

त्याप्रमाणे पीडिता पैसे आणण्यासाठी गेली असता दुसऱ्या मजल्यावर थांबलेल्या मुंजा वाघमारे याने तिच्यावर अत्याचार केला. तसेच हा प्रकार कोणाला सांगितल्यास जिवे मारण्याची धमकीही दिली. पीडितेने कशी तरी सुटका करत घर गाठले. पतीसह नातेवाइकांना हा प्रकार सांगितला आणि रात्री उशिरा वडवणी पोलीस (Police) ठाणे गाठले. दरम्यान पीडितेच्या फिर्यादीवरून मुकादम मुंजा वाघमारे याच्या विरोधात बलात्काराचा गुन्हा दाखल झाला आहे.

Edited By - Shivani Tichkule