Karad News : राज्य परिवहन महामंडळाच्या बस वेळेत मिळत नसल्याने कराड तालुक्यातील विद्यार्थी त्रस्त झाले आहेत. बस वेळेत मिळत नसल्याने शाळा, महाविद्यालयांत जायला उशिर हाेता. त्यामुळे शिक्षक रागवतात. अनेक वेळा मार देखील खावा लागताे. हा प्रकार थांबावा यासाठी आज (बुधवार) कराड तालुक्यातील विद्यार्थ्यांनी एसटीच्या बस (msrtc bus) राेखून धरल्या. (Maharashtra News)

वारंवार तक्रार देऊन सुद्धा सातारा जिल्ह्यातील कराड एसटी महामंडळाच्या एसटी बस वेळेत येत नाहीत. एसटी बसच्या वारंवार तक्रारी वाढत चाललेले आहेत. या सर्व गोष्टीवर विद्यार्थिनी - विद्यार्थी यांनी वारंवार आंदोलन करून सुद्धा एसटी महामंडळ या गोष्टीकडे गांभीर्याने लक्ष घेत नाही.

त्यामुळे आज विंग, येरवळे परिसरामध्ये विद्यार्थिनी आणि विद्यार्थी यांनी शाळा कॉलेज सोडून भरस्त्यावरती एसटी बस अडवून आंदोलन केले. या सर्व विद्यार्थ्यांनी तब्बल दोन तास बस राेखून धरल्या. या आंदाेलनानंतर बस वेळेवर मिळेल याची शाश्वती आंदाेलक विद्यार्थ्यांना आजही नाही.

Edited By : Siddharth Latkar