SSC Result Announce : महाराष्ट्र राज्य माध्यमिक आणि उच्च माध्यमिक शिक्षण मंडळाचा दहावीच्या परीक्षेच्या निकाल (SSC Exam) आज जाहीर होणार आहे. दहावीच्या निकालकडे लाखो विद्यार्थी आणि त्याचे पालकांचं लक्ष लागलं आहे.दहावीचा निकाल आज दुपारी १ वाजता ऑनलाईन जाहीर होणार आहे.

महाराष्ट्र राज्य माध्यमिक आणि उच्च माध्यमिक शिक्षण मंडळाच्या वेबसाईटवर हा निकाल जाहीर होणार आहे. महाराष्ट्र राज्य माध्यमिक व उच्च माध्यमिक शिक्षण मंडळाच्या पुणे, नागपूर, औरंगाबाद, मुंबई, कोल्हापूर, अमरावती, नाशिक, लातूर व कोकण या नऊ विभागीय मंडळांमार्फत मार्च - एप्रिल २०२३ मध्ये या परीक्षा घेण्यात आल्या होत्या.  (Latest Marathi News)

राज्यातील एकूण विद्यार्थ्यांमध्ये ८,४४,११६ विद्यार्थी तर ७,३३,०६७ विद्यार्थिनींनी दहावीची परीक्षा दिली होती. याशिवाय ८ हजार १८९ दिव्यांग विद्यार्थी व ७३ ट्रान्सजेंडर विद्यार्थ्यांनीही परीक्षा दिली होती.

निकाल कुठे पाहता येणार?

विद्यार्थ्यांना दहावीचा निकाल www.mahresult.nic.in, http://sscresult.mkcl.org, https://ssc.mahresults.org.in, www.mahresult.nic.in या वेबसाईटवरपाहता येईल.

कसा पाहाल निकाल?

>> सर्वात आधी www.mahresult.nic.in अधिकृत वेबसाइटवर जा.

>> दहावी निकालाच्या लिंकवर क्लिक करा.

>> तुमचा रोल नंबर आणि जन्मतारीख आणि आवश्यक माहिती भरा.

>> दहावीचा निकाल तुमच्या स्क्रीनवर दिसेल.