साेलापूर : महागड्या सायकली (bicycle) चोरी केल्याप्रकरणी विजापूर नाका पोलीस ठाण्याच्या डी.बी. पथकाने (vijapur naka police detection branch) एका अटक (arrest) केली आहे. सनी मल्लू पुजारी असे अटक करण्यात आलेल्या संशयिताचे नाव असून त्याच्याकडून १ मोटारसायकल, ८ सायकली असा एकूण १ लाख २० हजार रुपये किमतीचा मुद्देमाल हस्तगत केल्याची माहिती सहायक पोलीस आयुक्त माधव रेड्डी यांनी दिली. (solapur latest marathi news)

शहरात सायकली चोरी होण्याचे प्रमाण वाढले होते. यामुळे आरोपीचा तपास करत असताना एक संशयित तरुण इंदिरागांधी नगर येथील पोस्ट ऑफीसजवळ येणार असल्याची माहिती पोलिसांना मिळाली. या माहितीवरून पोलिसांनी सापळा रचून त्याला त्याबत घेतले.

त्याची विचारपूस केली असता त्याने एक मोटारसायकल विजापूर नाका पोलीस स्टेशन हद्दीतून चोरी केली असल्याचे सांगितले. अधिक तपास केला असता त्याने सोलापूर (solapur) शहरातील विविध पोलीस ठाण्याच्या हद्दीतून ८ महागड्या स्पोर्ट्स सायकली चोरी केल्याचे कबूल केले. त्याच्या ताब्यातून चोरीच्या एकूण १ मोटारसायकल आणि ८ स्पोर्ट्स सायकली असा एकूण १ लाख २० हजार रुपयांचा मुद्देमाल हस्तगत करण्यात आला आहे.

Edited By : Siddharth Latkar