साेलापुर : सोलापुरातील घोंगडे वस्ती येथील एका घरात सुरु असलेल्या कार्यक्रमादरम्यान 'बिन बुलाये मेहमान' चोरट्याला बीडमध्ये अटक केली आहे. सोहेल कमरोद्दीन शेख असे अटक करण्यात आलेल्या संशयिताचे नाव आहे. (solapur-police-arrested-beed-yotuh-mobile-theft-sml80)

याबाबत अधिक माहिती अशी : 27 फेब्रुवारी 2021 रोजी सकाळी 6:45 ते 9 वाजण्याच्या दरम्यान अन्वर हुसेन बागवान यांच्या घरात कार्यक्रम होता. कार्यक्रमादरम्यान अज्ञात चोरट्याने घरात प्रवेश केला. धांदलीत त्याने दोन मोबाईल चोरून नेले होते. याप्रकरणी जोडभावी पेठ पोलिस ठाण्यात गुन्हा दाखल झाला होता Crime News Solapur.

संंबंधित मोबाइलचा तपास करीत असताना पोलिसांनी लावलेल्या ट्रेस वरून मोबाइल बीड येथे असल्याचे समजले. त्यानंतर पोलिस नाईक वाय.एन.बरडे, बापू साठे हे तिथे गेले. संशयित चोरटा बार्शी नाक्यावर येणार असल्याची माहिती मिळाली. तिथे सापळा रचून सोहेल शेख याला ताब्यात घेतले असता त्याच्याकडे चार मोबाइल आढळून आले.

चारपैकी दोन मोबाइल अन्वर हुसेन बागवान यांचे असल्याचे निष्पन्न झाले. त्याला अटक करून सोलापुरात आणले. ही कारवाई पोलिस निरीक्षक बाळासाहेब भालचिम, राजेंद्र करणकोट यांनी पार पाडली.

दरम्यान,सोहेल शेख हा बीड येथील रहिवासी असून तो सोलापुरात येऊन पाहुणा म्हणून कोणाच्याही घरात घुसतो. लोकांची नजर चुकवून तो चोरी करतो असे प्रथमदर्शनी निदर्शनास आले आहे. त्याच्याकडून आणखी कांही चोऱ्या झाल्या आहेत का याचा तपास आहेत अशी माहिती पोलिस निरीक्षक बाळासाहेब भालचिम यांनी दिली.

Edited By : Siddharth Latkar