विश्वभुषण लिमये

सोलापूर - भवानी पेठेतील Bhavani Peth अन्नपूर्णा नमकीन मिठाई फॅक्टरीच्या Sweet Factory ऑफिसचे लॉकर तोडून चोराने दोन लाख ७६ हजार ७४३ रुपयांची चोरी केली. त्या सोबत जाताना चोराने काजू, केळी वेफर्स आणि शाबू चिवडा ही घेऊन गेला. ही घटना काल पहाटे घडली असून ही घटना सीसीटीव्हीमध्ये कैद झाली आहे. याप्रकरणी नंदकिशोर तिवाडी यांच्या फिर्यादीवरून जोडभावी पोलीस Police ठाण्यात चोरावर गुन्हा दाखल झाला आहे.

हे देखील पहा -

काल पहाटे दोन ते तीन वाजण्याच्या सुमारास अज्ञात चोराने अन्नपूर्णा नमकीन फॅक्टरीच्या गेटवरून फॅक्टरीमध्ये प्रवेश केला.फॅक्टरीचा मुख्य दरवाजाचे कुलूप तोडून त्याने फॅक्टरीत प्रवेश केला. त्यानंतर आतील बाजूस असलेल्या केबिनचे लॉक तोडून ड्राव्हर मधील रोख रक्कम टेबलावर काढून ठेवले.

त्यानंतर बाहेरील बाजूस असलेली पिशवी आणून त्यात पैशाचे बंडल घालून घेऊन गेला. आणि जाताना फॅक्टरीमधील केळी वेफर्स,शाबू चिवडा,शेव वेफर्स आणि काजूचे पाकिटे घेऊन गेले.ही सर्व घटना काही मिनिटातच घडली असल्याचे सीसीटीव्हीत दिसून येत आहे.

Edited By - Shivani Tichkule