विश्वभूषण लिमये

सोलापूर जिल्ह्यातील अक्कलकोटमध्ये अवकाळी पावसाचा तडाखा बसला आहे. जवळपास दीड तासांपासून सुरू असलेल्या मुसळधार पावसामुळे नदीनाल्यांना पाणी आली आहे. नाल्याला अचानक पाणी आल्यामुळे अक्कलकोट तालुक्यातील बासलेगाव -गरोळगी या दोन गावांचा संपर्क तुटला आहे. पिकांचंही मोठ्या प्रमाणात नुकसान झालं आहे.

उत्तर पुणे जिल्ह्यातील खेड तालुक्यात अवकाळी पावसाला सुरुवात झाली आहे. खेड तालुक्यातील चाकण, आळंदी, भोसे, शेलपिंपळगाव, काळुस, बहुळ आणि दावडी परिसरात अवकाळी पावसामुळे काही ठिकाणा फटका बसला आहे तर काही ठिकाणच्या पिकांना याचा फायदा होणा आहे. अवकाळी पावसामुळे उकाड्याने हैराण झालेल्या नागरिकांना काहीसा दिलासा मिळाला आहे. पावसामुळे वातावरणात गारवा निर्माण झाला आहे.

दक्षिण रायगडमध्ये वादळी वाऱ्यासह अवकाळी पावसाच्या सरी बरसल्या, तर दक्षिण रायगडला पावसाने झोडपून काढलं आहे.धाराशिव जिल्ह्यातील उमरगा, लोहारा,नळदुर्ग,तुळजापूर,धाराशिव व कळंब,परंडा परिसरात पावराची जोरदार बॅटींग सुरू आहे. या फळबागांना मोठा फटका बसला आहे. लातूर जिल्ह्यात आज झालेल्या गारपिटीने निलंगा, औसा, रेनापूर, लातूर या भागातील आंबा फळबागांना मोठा फटका आहे. जिल्ह्यातल्या

यवतमाळमध्ये तापमानाचा पारा 42 अंशांवर

यंदाच्या उन्हाळ्यातील उन्हाच्या पाराने गेल्या दोन दिवसांपासून सर्वोच्च उच्चांक गाठला असून यवतमाळ जिल्ह्याचा पारा 42 सेल्सियस अंशावर पोचला आहेत. वणी आणि घाटंजी तालुक्यात उन्हामुळे भोवळ येऊन पडल्याच्या घटना घडल्या.अशात लग्न सराई सुरू आहे. उन्हाची दाहकता दिवसेंदिवस वाढत आहेत. दाहतकेपासून बचाव करण्यासाठी कुलर,एसीसारख्या इलेक्ट्रिक वस्तूचा वापर केल्या जात आहेत.