Solapur Crime News: नवऱ्याच्या त्रासाला कंटाळून भावाकडे राहण्यास आलेल्या विवाहितेवर नवऱ्याने सोलापुरात येऊन तिच्या गळ्यावर चाकूने वार करुन जखमी केल्याचा धक्कादायक प्रकार घडला आहे. सोलापुरातील विनायक नगरमध्ये ही घटना घडली. पूजा बाळू क्षीरसागर असे जखमी महिलेचे नाव आहे. या प्रकरणी पती बाळू क्षीरसागर याला पोलिसांनी ताब्यात घेतले आहे. (Crime News In Marathi)

याबाबत अधिक माहिती अशी की, मुळच्या पंढरपूर (Pandharpur) तालुक्यातील रोपळेतील पूजाचा विवाह पंढरपुरातील बाळू क्षीरसारगर याच्याशी आठ वर्षापूर्वी झाला आहे. अनेक वर्षांपासून त्याला दारुचे व्यसन आहे. बिगारी काम करुन हे कुटुंब उदरनिर्वाह करते. नेहमी बायको पूजाशी तो भांडायचा.

या त्रासामुळे पूजा सोलापुरात नितीन खरे या भावाकडे आठ दिवसांपूर्वी आली होती. घटनेदिवशी भाऊ त्याच्या पत्नीला प्रसूतीसाठी शासकीय रुग्णालयात दाखल केल्यामुळे रुग्णालयातच होता. घरी पूजा आणि तिचा मुलगा दोघेच होते. या दरम्यान बाळू घरी आला. येथे पती-पत्नीचे भांडण झाले. यातच बाळूने चाकूने पूजाच्या गळ्यावर वार करुन गंभीर जखमी केले.

जवळच राहणाऱ्या मावशी संगीता बाबरे यांना पूजावर वार झाल्याचे कळताच त्यांनी तातडीने शासकीय रुग्णालयात दाखल केले. तिच्या गळ्यावर खोलवर जखम झाल्याने बोलू शकत नसल्याचे सांगण्यात येत आहे. या धक्कादायक घटनेने परिसरात एकच खळबळ उडाली असून पोलीस याबाबतचा अधिक तपास करत आहेत. (Latest Marathi News)