Shrikant Deshmukh Bail Rejected : साेलापूर जिल्हा न्यायालयाने आज भाजपचे (bjp) माजी जिल्हाध्यक्ष श्रीकांत देशमुख याचा अटकपूर्व जामीन अर्ज फेटाळला. या निर्णयानंतर देशमुख यांच्यावतीनं उच्च न्यायालयात (mumbai high court) दाद मागणार असल्याचे समजते.

देशमुख याच्यावर एका महिलेनं अत्याचाराची तक्रार दाखल केली आहे. या तक्रारीनंतर पाेलिसांनी देशमुख याच्यावर गुन्हा दाखल केला. या प्रकरणी अटकेपासून सुरक्षा मिळावी यासाठी श्रीकांत देशमुखनं सोलापूर जिल्हा न्यायालयात अटकपूर्व जामीन अर्ज दाखल केला हाेता.

आज जिल्हा न्यायालयात या अर्जावर न्यायालयानं निकाल दिला. न्यायालयानं सरकारी वकिलांचा युक्तिवाद ग्राह्य धरून देशमुख याचा अटकपुर्व जमीन फेटाळला. ५ प्रमुख मुद्द्यांवर जामीन फेटाळण्यात आला आहे.

दरम्यान देशमुखला येत्या २६ ऑगस्ट पर्यंत पोलिसांनी अटक करुन नये असे ही जिल्हा न्यायालयाने आदेशात नमूद केले आहे. आता या प्रकरणी श्रीकांत देशमुख याच्यावतीने उच्च न्यायालयाचा दरवाजा ठाेठावले जाणार आहेत असे त्यांच्या निकटवर्तीयांकडून समजते.

Edited By : Siddharth Latkar