- विनायक वंजारे

Vomit of whale : मालवण (malvan latest news) मसुरे वेरळ येथील माळरानावर तब्बल 25 कोटी रूपयांची व्हेल माशाची उलटी (अंबर ग्रीस) जप्त करण्यात आली आहे. सिंधुदुर्ग स्थानिक गुन्हा अन्वेषण पथकाने (sindhudurg local crime branch) ही धडक कारवाई केली. (Breaking Marathi News)

एवढ्या मोठ्या प्रमाणात व्हेल माशाची उलटी जप्त करण्याची ही सिंधुदुर्गातील पहिलीच कारवाई आहे. व्हेल माशाची उलटी विक्रीसाठी काही जण येणार असल्याची गोपनीय माहिती मिळाल्यानंतर जिल्हा पोलीस अधिक्षक सौरभ अग्रवाल (sp sourabh agrawal) आणि अप्पर पोलीस अधिक्षक नितीन बगाडे यांच्या मार्गदर्शनाखाली स्थानिक गुन्हा अन्वेषण पथकाने ही धडक कारवाई केली.

या प्रकरणात नऊ संशयितांना ताब्यात घेण्यात आले आहे. त्यांच्याकडून २४ किलो २६४ ग्रॅम वजनाच्या व्हेल मासा उलटी (अंबर ग्रीस), दोन चारचाकी गाड्या व एक दुचाकी असा सुमारे २५ कोटीहून अधिक रकमेचा मुद्देमाल जप्त करण्यात आला आहे. या कारवाईची सिंधुदुर्गात जाेरदार चर्चा सुरु आहे.

Edited By : Siddharth Latkar