Parbhani परभणी येथील जिंतूर महामार्गावर ३३ केव्ही उपकेंद्रासमोर दुचाकीचा अपघात होऊन एका शिक्षकाचा जागीच मृत्यू झाला. श्रीपाद प्रभाकर वैद्य (४५, रा. पिंपळगाव गायके, ह. मु. बोरी) असे मृत शिक्षकाचे नाव आहे. (Parbhani Latest Marathi News)

श्रीपाद वैद्य हे पिंपळगाव गायके येथे आपल्या गावाकडे रात्री दहा वाजता जात असताना त्यांच्या मोटारसायकलला बोरी येथील 33 वीज उपकेंद्राजवळ अपघात झाला. त्यात त्यांचा म्रुत्यू झाला.

या घटनेची माहिती कळताच रस्त्यासमोर असलेल्या महावितरणच्या कर्मचाऱ्यांनी त्यांना बोरी येथील ग्रामीण रुग्णालयात दाखल केले. तेथील डॉक्टरांनी तपासणी करून ते मृत झाल्याची घोषणा केली. (Maharashtra News)

रस्त्याच्या अर्धवट कामामुळे घडलेला अपघात परभणी-जिंतूर (parbhani) महामार्गाचे काम गेल्या पाच वर्षांपासून सुरु आहे. हे काम अत्यंत कासवगतीने होत आहे. या कामाला विलंब होत असल्यामुळे दिवसेंदिवस या रस्त्यावर अपघात वाढले आहेत.

हा रस्ता जलदगतीने करावा, यासाठी रस्ता संघर्ष समितीच्या वतीने चार हजार नागरिकांचे स्वाक्ष-यांचे निवेदन केंद्रीय बांधकाम मंत्री नितीन गडकरी यांना देण्यात आले होते. परंतु या कामाला अद्यापही गती मिळालेली नाही, असा आरोप नागरिकांनी (citizens) केला आह़े. मृत श्रीपाद वैद्य यांच्या पश्चात आई, वडील, पत्नी, दोन मुले असा परिवार आहे. (Breaking Marathi News)

Edited By : Siddharth Latkar