-- रश्मी पुराणिक

मुंबई : जानेवारी २०२२ च्या तिसऱ्या आठवड्यात राज्यात कोरोनाचे 2 लाख रुग्ण असतील असा धक्कादायक अंदाज आरोग्य खात्याकडून व्यक्त करण्यात आला आहे. आज आरोग्य सचिव डॉ. प्रदीप व्यास यांनी राज्यातील सर्व जिल्हाधिकाऱ्यांना पत्र लिहून हा चिंताजनक इशारा दिला आहे. सध्याचा रुग्ण वाढीचा वेग पाहता जानेवारी तिसऱ्या आठवड्यात राज्यात दोन लाख रुग्ण होऊ शकतात. त्यामुळे कोरोनाच्या तिसऱ्या लाटेत मोठ्या प्रमाणावर रुग्ण वाढणार आहेत त्यात 1% रुग्णाचा मृत्यू झाला तर तिसऱ्या लाटेत जर 80 लाख रुग्ण झाले तर 80 हजार रुग्णांचा मृत्यू होईल. त्यामुळे तिसरी लाट व ओमायक्रोन घातक नाही आहे ह्या प्रचाराला बळी पडू नका सतर्क रहा, लसीकरण वाढवा व लोकांना वाचवा असेही त्यांनी या पत्रात नमूद केले आहे.