Maharashtra Gram Panchayat Election Results 2022 : महाराष्ट्रातील १८ जिल्ह्यातील एकूण १ हजार ७९ ग्रामपंचायत निवडणुकांचा निकाल आज जाहीर होत आहे. या निवडणुकीत जवळपास सर्वच्या सर्व ग्रामपंचायतीचे कल हाती आले असून निवडणुकीत भाजप हा पहिल्या क्रमांकाचा पक्ष ठरला आहे. (Maharashtra News)

भाजप (२३५ जागा) पाठोपाठ काँग्रेस (१३४ जागा), राष्ट्रवादी, ठाकरे गट, शिंदे गट, राष्ट्रवादी या पक्षांनाही यश मिळालंय. दरम्यान, या निवडणुकीत उद्धव ठाकरे की मुख्यमंत्री एकनाथ शिंदे नेमक्या कुणाच्या पक्षाने जास्त जागा जिंकल्या असा प्रश्न सर्वानाच पडला आहे.

ग्रामपंचायत निवडणुकीत शिवसेना उद्धव बाळासाहेब ठाकरे यांचा पक्षाने आतापर्यंत १२८ जागा जिंकल्या आहेत. ठाकरे गटापाठोपाठ शिंदे गटानेही ११४ जागांवर वर्चस्व मिळवलं आहे. शिवसेनेत फूट पडल्यानंतर नेमका कुणाचा पक्ष या निवडणुकीत बाजी मारणार याकडे सर्वांचंच लक्ष लागून होतं. (Shivsena Uddhav Thackeray vs CM Eknath Shinde)

रत्नागिरीत शिंदे गटाला मोठा धक्का

रत्नागिरी(ratnagiri) जिल्ह्यातील ग्रामपंचायतीचेही निकाल हाती आले असून या निवडणुकीत शिवसेना उद्धव बाळासाहेब ठाकरे पक्षाने बाजी मारली आहे. ठाकरे गटाचे राजापूरचे आमदार राजन साळवी यांनी राजापूर, लांजा आणि रत्नागिरी तालुक्यात आपले वर्चस्व कायम ठेवत शिंदे गटाच्या शिवसेनेला जोरदार धक्का दिला आहे.

जिल्ह्यातील एकूण 24 ग्रामपंचायतींवर ठाकरे गट शिवसेनेने आघाडी घेतली असून शिंदे गटाला मात्र जिल्ह्यात फक्त 7 ग्रामपंचायतींवर समाधान मानावे लागले आहे. दापोली विधानसभा मतदार संघात मात्र शिंदे गटाने बाजी मारली असून विद्यमान आमदार योगेश कदम यांनी 10 पैकी 8 ग्रामपंचायतींवर विजयी झेंडा फडकवून पुन्हा एकदा दापोली विधानसभा मतदार संघावर आपलेच वर्चस्व असल्याचे सिद्ध केले आहे.

Edited By - Satish Daud