Sangli News :

मिरज येथे ठाकरे गट शिवसेनेच्या वतीने महापालिका कार्यालयावर धडक मोर्चा काढत आंदोलन करण्यात आले आहे. ज्या प्रमाणे ठाकरे गट शिवसेनेचे कार्यालय अतिक्रमणाच्या नावाखाली पाडण्यात आले,त्याच धर्तीवर शहरातील बेकायदेशीर अतिक्रमण काढून टाकावीत अशी मागणी करण्यात आली. (Maharashtra News)

तीन दिवसांपूर्वी मिरज शहरामध्ये ठाकरे गट शिवसेनेकडून संपर्क कार्यालय उभारण्यात आलं होते. मात्र शिंदे गट शिवसेनेकडून सदर जागेवर दावा करत बांधण्यात आलेलं शेड बेकायदेशीर असल्याची तक्रार करण्यात आली होती.

यामुळे पालिकेकडून थेट जेसीबीने पोलीस बंदोबस्तामध्ये ठाकरे गटाचे कार्यालय जमीनदोस्त करण्यात आले होते. त्यामुळे ठाकरे गट शिवसेनेकडून आक्रमक पवित्रा घेत महापालिकेच्या विरोधात आंदोलन सुरू करण्यात आले आहे.

(साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

कोणतेही तक्रार नसताना केवळ राजकीय दबावापोटी कार्यालय पाडण्यात आल्याचा आरोप देखील यावेळी पालिकेवर करण्यात आला. शहरातील बेकायदेशीर अतिक्रमण काढून टाकावीत अशी मागणी ठाकरे गटाच्या शिवसैनिकांनी केली आहे.

Edited By : Siddharth Latkar