सूरज मसूरकर

Nagpur News :

शिवसेना आमदार आपत्रतेची सुनावणी सध्या सुरु आहे. सर्वोच्च न्यायालयाने अपात्रता प्रकरणी ३१ डिसेंबरच्या आता निर्णय घेण्याचे निर्देश दिलेले आहेत. त्यामुळे विधानसभा अध्यक्ष राहुल नार्वेकर ओव्हरटाईम करत सुनावणी घेत आहेत. मात्र तरीदेखील निकाल लांबणीवर पडण्याची शक्यता वर्तवली जात आहे. सर्वोच्च न्यायालयाने अधिकचा ३ आठवड्यांचा वेळ देखील मागितला जाण्याची शक्यता आहे.

शिवसेना आमदार अपात्रता प्रकरणात २ लाख पानांचे दस्तावेज तयार करण्यात आले आहेत. ३४ याचिकांचे सहा गटांत वर्गीकरण केल्यामुळे विविध ६ निकाल लागणार आहे. विधीमंडळ सचिवालयाकडून सुनावणी कार्यवाही २० डिसेंबरपर्यंत पूर्ण होण्याची शक्यता आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

मात्र २१ ते ३१ डिसेंबर कालावधीत निकालाचे लेखन अशक्य असल्याचं समोर येत आहे. निकालाचे लेखन करण्यासाठी मात्र अधिकचा वेळ लागू शकतो. एक हजारांहून अधिक प्रश्नांच्या उत्तराचे वाचन करण्याचे विधीमंडळासमोर मोठं आव्हान असेल. (Latest Marathi News)

याशिवाय नागपूरहून मुंबईत कागदपत्रे नेण्यासाठी देखील वेळ लागणार आहे. परिणामी, सहा निकाल लावण्यासाठी अधिक वेळेची मागणी करण्याच्या हालचाली देखील सुरु झाल्या आहेत. विधीमंडळाकडून सर्वोच्च न्यायालयात ३ आठवड्यांची वेळ मागितली जाणार असल्याची माहिती समोर येत आहे. आज सर्वोच्च न्यायालयात विधीमंडळाकडून याचिका दाखल केली जाण्याची शक्यता आहे.