Ratnagiri News : शिवसेना खासदार विनायक राऊत (Vinayak Raut) यांच्या विराेधात खूद्द शिवसैनिकांनी युवासेना प्रमुख आदित्य ठाकरे (aditya thackeray) यांच्याकडे तक्रार केली आहे. या तक्रारीचं पत्र साम टीव्हीच्या हाती लागले असून या पत्रात खासदार राऊत हे रिफायनरीबाबत (refinery) दिशाभुल करीत असल्याचे म्हटलं आहे.

ही तक्रार खासदार विनायक राऊत यांच्या विराेधात शिवसेनेचे राजापूर उपविभाग प्रमुख संतोष चव्हाण आणि ग्रामस्थांनी युवासेना प्रमुख आदित्य ठाकरे यांच्याकडे केली आहे. या पत्रात शिवसैनिकांनी ठाकरे यांच्याकडे एक मागणी देखील केली आहे.

शिवसैनिकांनी केलेल्या पत्राची प्रत साम टिव्हीच्या हाती लागली आहे. या पत्रावर विभागप्रमुखापासून ते शिवसेनेच्या ग्रामपंतायत सदस्यांपर्यंत सर्वांच्या सह्या आहेत. युवासेना प्रमुख आदित्य ठाकरे (aaditya thackeray) यांना लिहिलेल्या पत्रात धोपेश्वर रिफायनरी प्रकल्पाच्या विरोधातल्या शिवसेना खासदार विनायक राऊत यांच्या भुमिकेबद्दल नमूद करण्यात आलं आहे. ९० टक्के ग्रामस्थांचा विरोध असल्याचं चुकीचं वक्तव्य खासदार विनायक राऊत यांच्याकडून हाेत असल्याचे त्यात म्हटलं आहे.

राजापूर तालुक्यातील सव्वाशे गावांचा प्रकल्पाला पाठिंबा विरोध करणाऱ्या दोन ते चार गावात विरोधाचा सुर आहे. त्यामुळं त्यांना वगळून प्रकल्पाला मुर्त स्वरुप देण्यासाठी सहकार्य करावे अशी मागणी देखील शिवसैनिकांनी पत्रातून केली आहे. आता या पत्रावरुन युवासेना प्रमुख आदित्य ठाकरे यांच्या भुमिकेकडं काेकणातील शिवसैनिकांचे लक्ष लागून राहिलं आहे.

Edited By : Siddharth Latkar