नागपूर: भाजपनंतर आता शिवसेनतही अंतर्गत नाराजी असल्याचं पुढं आलं आहे. माजी राज्यमंत्री अशोक शिंदे यांच्या नंतर आता सेनेचे जेष्ठ आमदार आशिष जयस्वाल पक्षावर नाराज आहेत.

सेनेचा विदर्भात एकही मंत्री नाही, चार टर्म आमदार निवडणूक येऊनंही सन्मान नसल्याने कार्यकर्ते नाराज आहेत, ३० वर्षे सेनेचं काम चार टर्म आमदार असूनंही संधी नाही, विदर्भातील ११ जिल्हयात सेनेचा एकही मंत्री नाही, मग पक्ष कसा वाढणार? असे सवाल जयस्वाल यांनी उपस्थित केले आहेत.

एकीकडे भाजप आणि काँग्रेस विदर्भाकडे विशेष लक्ष देत असताना शिवसेनेचे मात्र विदर्भाकडे दुर्लक्ष होत असल्याची नाराजी जयस्वाल यांनी व्यक्त केली आहे. मात्र, आगामी मंत्रीमंडळ विस्तारत पक्षप्रमुख उद्धव ठाकरे विदर्भाला न्याय देतील, असा आशावादही त्यांना आहे.

Edited By: Pravin Dhamale